Akk-a cwiya ciṭṭuḥ aγ-ttun akk... Tagi d yiwen wemṛabeḍ, d-agi di 3ème. Yussa-d di tmurt, a yetteddu γar wexxam Ṛebbi ad d-issired iγsan-is, naγ wissen acu n ṭrafik-a ar ad d-yexdem s-yina. Lḥasun yeqqim-as dinna γar warrac n tmurt-is. A yetett seksu, kuskus buf, taqarεett n diban γaf yiman-is u Ṛebbi kbir. Qqimen akken kra n warrac d tama-s, aheddren, yiwen ad yettawwi γaf Ṛebbi, wayeḍ γaf nnebi, wayeḍ γaf saddat, wayeḍ γaf iεessasen, wayeḍ γaf at-laxeṛt, lḥasun rrwin-tt. Inṭṭeq γar-sen wemṛab-nni, yenna-yasen : wellah kra teheddrem akk-agi dina, ar ulac dg-es akk, yerna ar d nek iwent-in-yennan. Tessenem-iyi, d amṛabeḍ. Dewṛen γar γur-es mačči zaεfen ! Nnan-as amek akk-a keččini d amṛabeḍ yarna tettedduḍ γar wexxam Ṛebbi, yarna theddreḍ akk-agi, yerna tesseḍ ccṛab,... Zaεfen fell-as. Aliiiiiiih !!
Ideweṛ γar γur-sen... yenna-yasen : a Leqbayel, asmi iwen-nettkellix, tettamnem-aγ, tura, imi iwen-neqqar tidett, teggumam aγ-tamnem... Sebḥan Llah lεaḍim!
Tullizt sγur Muḥand-U-Yaḥya
Aucun commentaire:
Enregistrer un commentaire